Վրաստանն ավելացրել է գինու արտահանումը դեպի Ռուսաստան

Ռուսաստանը դարձել է 2016 թվականին վրացական գինու հիմնական գնորդը: Միայն այս տարի Ռուսաստանն ընդունել է 2,5 մլն շիշ սպիտակ, կարմիր և փրփրուն գինի: Այս մասին գրում է Rg.ru-ն՝ հղում անելով Վրաստանի գյուղատնտեսության նախարարությանը:

Մեկ տարվա ընթացքում արտահանումը դեպի Ռուսաստան աճել է 154 տոկոսով:

Ինչ վերաբերում է մյուս երկրներին, ապա Ուկրաինա է ուղարկվել գրեթե 800 հազար շիշ գինի, իսկ Ղազախստան 337 հազար, Լեհաստան 322 հազար, Չինաստան՝ 219 հազար:

Ընդհանուր առմամբ, վրացական գինու, կոնյակի և բրենդիի արտահանումից ստացված գումարը կազմել է 20 մլն ամերիկյան դոլար: