Ամենից շատ կարդացված նյութեր
.jpg "Կարևորը հասկանալն է, թե կուռուպցիոն ռիսկերի պատճառները որտեղից են. Լ. Մկրտչյան")
Կարևորը հասկանալն է, թե կուռուպցիոն ռիսկերի պատճառները որտեղից են. Լ. Մկրտչյան
«Կրթության ոլորտում կոռուպցիայի դեմ պայքարի ռազմավարությունը պետք է բոլոր վարչություններում դարձնել սեփականություն»,-այսօր լրագրողների հետ հանդիպմանն ասաց ԿԳ նախարար Լևոն Մկրտչյանը՝ նշելով, որ նախարարությունում ստեղծված է հակակոռուպցիոն հանձնաժողով, որի առաջին նիստը նախատեսվում է գումարել մարտի 12-ին:
Նախարարի խոսքով՝ կոռուպցիայի դեմ պայքարում կարևորը հիմնախնդրի պատճառը հանելն է. «Մեկ-երկու ուսուցիչ պատժվելով, կամ մեկ-երկու տնօրեն հեռացելով հիմնախնդիրը չի լուծվի: Կարևորը հասկանալն է, թե կուռուպցիոն ռիսկերի պատճառները որտեղից են գալիս, այնուհետև դրանց հարթեցման ուղղությամբ գործնական ծրագրեր մշակել»:
Նախարարն օրինակ բերեց, որ եվրոպական բուհական համակարգում հավատարմագրումը սկսում է ինքնագնահատումից, եթե ինքնգնահատման մեջ հակակոռուպցիոն ռիսկերը ներառված չեն, կամ դրա դեմ համալսարանը չի նախանշում իր գործիքները, վերևից ոչինչ հնարավոր չէ անել:
«Նախ մենք պետք է համալսարանի ինքնագնահատման համակարգում այս գործիքները ներառենք և տեսնենք, թե տվյալ բուհի համար դա ձևական է, թե գիտակցում է որն է դրա հաղթահարումը»,-հավելեց նախարարը:
Studio One