Հալեպի հայկական վարժարաններն այսօր չեն աշխատի

Հալեպում գործող հայկական հիմնական դպրոցները՝ Ազգային Սահակյան-Զավարյան վարժարան, Ազգային Հայկազյան- Գյուլպենկյան միացյալ վարժարան և Ազգային Քարեն Եփփե ճեմարան, այսօր անվտանգության նկատառումներից ելնելով, փակ կլինեն: Այս մասին գրում է «Արևելք»-ը:

Նախնական տեղեկություններով, վարժարանները կվերաբացվեն առաջիկա շաբաթ: 

Հիշեցնենք, որ երեկ Հալեպում իրավիճակը լարված է եղել, տարբեր շրջաններ, հատկապես այն շրջանները, որտեղ գտնվել են այս վարժարանները, հրթիռակոծության են ենթարկվել, խուճապ է առաջացել:

Հրթիռակոծությունների հետևանքով գրանցվել են տասնյակ վիրավորներ, որոնց մեջ, ըստ աղբյուրի, հայեր չկան: