Թուրքիայից Հայաստան ներկրված բանջարեղենի ծավալը ավելացել է

Վերջին երկու ամիսների ընթացքում Թուրքիայից Հայաստան լոլիկ, վարունգ, կաղամբ չի ներկրվել: Նման տվյալներ Panorama.am-ին տրամադրել են ԳՆ Սննդամթերքի անվտանգության պաշտպանության պետական ծառայությունից:

Չնայած դրան, նախորդ տարվա համեմատ ավելացել են Թուրքիայից ներկված վարունգի, պղպեղի,  կարտոֆիլի, կաղամբի ծավալները:

2016-ի հինգ ամիսների ընթացքում Թուրքիայից բերվել է  108 տոննա 421 կգ լոլիկ, որից 85 տոննա 236 կգ-ն՝ մարտին: Նախորդ տարվա համեմատ լոլիկի ներկրման ծավալն ավելացել է, 2015-ի 5 ամիսների ընթացքում Հայաստան է ներկրվել 19 տոննա 714 կգ լոլիկ:

Նկատենք, որ նախորդ տարվա առաջին հինգ ամիսների ընթացքում Թուրքիայից կարտոֆիլ չի ներկրվել: Պաշտոնական վիճակագրությամբ, այս տարվա ընթացքում Թուրքիայից կարտոֆիլ ներկրվել է միայն մայիս ամսին՝ 371 տոննա:

Գյուղատնտեսության նախարարության կազմում գործող ծառայության տրամադրած այս տվյալներն առավել քան ուշագրավ են գյուղատնտեսության փոխնախարար Գառնիկ Պետրոսյանի հայտարարությունների համատեքստում: Մայիսի սկզբին Panorama.am-ի հետ զրույցում վստահեցնում էր, իբր Թուրքիայից լոլիկի և վարունգի ներմուծումը տասնյակ տոննաներով նվազել է:

ՍԱՊԾ տվյալները՝ աղյուսակներում: