Առաջիկա «Էլ կլասիկոյի» ժամը հաստատվել է

Այս մրցաշրջանում մադրիդյան «Ռեալի» ու կատալոնյան «Բարսելոնի» առաջին խաղը կկայանա դեկտեմբերի 3-ին, «Նոու Կամպ» մարզադաշտում։

Հանդիպումը կցուցադրվի ավելի քան 100 երկրում, սակայն Մեծ Բրիտանիայի բնակիչները չեն կարող այն դիտել ուղիղ եթերում, եթե հանդիպման անցկացման ժամը չփոխվի։ Այդ երկրում արգելված է խաղերի ցուցադրությունը տեղի ժամանակով 14։45-17։15-ի սահմաններում։

«Խաղերի մեկնարկի ժամը փոխելով՝ մենք կարող ենք կրկնակի ավելացնել մեր եկամուտները»,- Լա Լիգայի նախագահ Խավիեր Տեբասի խոսքերը մեջբերել է isport.ua-ն։

Այսպիսով՝ «Բարսելոնի» և «Ռեալի» միջև հանդիպումը դեկտեմբերի 3-ին կսկսվի Երևանի ժամանակով ժամը 19։15-ին։