Ամենից շատ կարդացված նյութեր
.jpg "«ԳԼՕԲՈՒՍ» ծրագիրը ԵՊԲՀ-ում")
ԵՊԲՀ՝ ամենաբարձր արդյունք ցուցաբերած 28 ուսանողներն արդեն երկրորդ ամիսն է՝ շարունակում են գերլարված օրակարգով բժշկական ուսուցումը: «ԳԼՕԲՈՒՍ» ծրագրի այս՝ տեսական փուլում ապագա բժիշկները տեսագրված դասախոսություններով, թեստերով և գրքերով մասնակցում են անգլալեզու դասընթացների: Այս մասին հայտնում են ԵՊԲՀ-ից:
Ծրագրի մասնակիցների հետ հանդիպման ընթացքում այսօր ԵՊԲՀ ռեկտոր Արմեն Մուրադյանն անդրադառնալով «ԳԼՕԲՈՒՍ»-ի ընթացքին՝ նշել է, որ խորը գիտելիքը, որը ստանում են մասնակիցները, ամենամեծ և լրջագույն առավելությունն է:
«Մարդկության ամբողջ պատմության մեջ կան արժեքներ, որոնք չենք քննարկվում. կրթությունը, ինչպես և առողջությունը, բացարձակ արժեքներ են»,- ասել է ռեկտորը՝ հավելելով, որ գերլարված օրակարգով ուսուցում ստացող ուսանողները մատչելի ճանապարհով որակյալ կրթություն են ստանում:
Ծրագրի գլխավոր նպատակներից է ապահովել այնպիսի բժշկական կրթություն, որը մրցունակ է միջազգային դաշտում:
Յոթ ամիս տևողությամբ ծրագրի կարևոր առաքելություններից է լավագույն ուսանողների խրախուսումը, ինչպես նաև հնարավորությունը՝ անվճար հիմունքներով իրենց ուժերը փորձելու միջազգայնորեն հաստատված բժշկական թեստեր հանձնելու գործընթացում: Ըստ ուսուցանվող թեմաների՝ ուսանողները յուրաքանչյուր շաբաթ այցելում են տարբեր լաբորատորիաներ և գիտահետազոտական կենտրոններ: Ծրագիրը ոչ միայն սովորեցնում է ուսանողներին, այլև ամբիոնների հետ մշակում և անգլերենից թարգմանում է անհրաժեշտ կրթական նյութեր: «ԳԼՕԲՈՒՍ»-ը կամփոփի աշխատանքները օգոստոսին:
Studio One