Արցախի պետական համալսարանում մտադիր են ռազմական գործ դասավանդել

Արցախի Հանրապետության Նախագահ Բակո Սահակյանը հունիսի 6-ին հրավիրել է աշխատանքային խորհրդակցություն՝ նվիրված Արցախի պետական համալսարանում ռազմական գործի դասավանդմանը և այս համատեքստում մայր բուհի և պաշտպանության բանակի միջև համագործակցությանը վերաբերող հարցերին:

Արցախի Հանրապետության նախագահի պաշտոնական էջից տեղեկանում ենք, որ խորհրդակցությանը մասնակցում էին Ազգային ժողովի նախագահ Աշոտ Ղուլյանը, վարչապետ Արայիկ Հարությունյանը, պաշտոնատար այլ անձինք: