Նաթանյահու. Մենք վերջնական փաստեր կներկայացնենք Իրանի միջուկային ծրագրի վերաբերյալ

Իսրայելի վարչապետ Բենյամին Նաթանյահուն հայտարարել է, որ իր երկիրը հետախուզական համոզիչ տվյալներ ունի Իրանի կողմից միջուկային զենք ստեղծելու վերաբերյալ։

Ինչպես հաղորդում է ամերիկյան CNN-ը, ապրիլի 30-ին տեղի ունեցած մամլո ասուլիսի ժամանակ Նաթանյահուն պնդել է, որ Իրանը "ստել է" այսքան տարի ու հայտարարել է, որ իր երկիրը վերջապես կարող է ներկայացնել համոզիչ հետախուզական տվյալներ Իրանի միջուկային ծրագրի վերաբերյալ։

Նաթանյահուի հայտարարությունից րոպեներ անց ԱՄՆ նախագահ Դոնալդ Թրամփը հայտարարել է, որ Վաշինգտոնը Իրանի գործարքի մասին վերջնական որոշում կկայացնի մայիսի 12-ին կամ դրան մոտ։