Ընտրվել է Երևանի թատրոնի և կինոյի պետական ինստիտուտի հոգաբարձուների խորհրդի նոր նախագահ

Երևանի թատրոնի և կինոյի պետական ինստիտուտի հոգաբարձուների խորհրդի նիստին բուհի խորհրդի նախագահ է ընտրվել արձակագիր, դրամատուրգ, հրապարակախոս, «Գրական թերթի» գլխավոր խմբագիր Կարինե Խոդիկյանը: Այս մասին հայտնում են ՀՀ կրթության և գիտության նախարարությունից։

Կարինե Խոդիկյանը  գրել է բազմաթիվ պիեսներ, որոնք բեմադրվել են թատրոններում։ 2004-08թթ եղել է ՀՀ մշակույթի փոխնախարարը: 2012թ-ից ՀԳՄ «Գրական թերթի» գլխավոր խմբագիրն է: