Այվազովսկու և այլ հայտնի արվեստագետների հազվագյուտ աշխատանքներ կներկայացվեն Պետերբուրգում

Պետերբուրգի Ռուսական թանգարանում վաղը՝ ապրիլի 11-ին բացվելու է հայազգի հանրահայտ նկարիչ Հովհաննես Այվազովսկու, նաև՝ Միխայիիլ Վրուբելի, Լեոն Բակստի, Ռեպինի, Կորովինի և այլ հայտնի արվեստագետների եզակի աշխատանքների ցուցահանդես։ Աշխատանքների մի մասը նախկինում չեն ցուցադրվել։ topspb.tv-ի հաղորդմամբ, ցուցահանդեսում ընդգրկված են մասնավոր հավաքածուներից աշխատանքներ։

Քիչ հայտնի աշխատանքների ցուցահանդեսում ներկայացված է լինելու ռուս և արտասահամանցի արվեստագետների ավելի քան 400 աշխատանք։ Պետերբուրգցիները կտեսնեն քիչ հայտնի կտավներ, քանդակներ, դրամներ, կիրառական արվեստի նմուշներ։

Ցուցահանդեսը կգործի մինչև հունիսի 10-ը։