Միլիարդատերը իսրայելացիներին 1 միլիոն դոլար է տվել լուսին թռչելու համար

Միլիարդատեր Լեոնարդ Բլավատնիկը որոշել է 1 միլիոն դոլար հատկացնել իսրայելական «SpaceIL» մասնավոր ընկերությանը` Երկիր մոլորակի մակերեսից Լուսին հասնելու երկրորդ փորձի համար: Այս մասին գրում է gazeta.ru-ն՝ հղում տալով Բլավատնիկ ընտանիքի հիմնադրամի տրածած հաղորդագրությանը։

2019 թվականի ապրիլին այս ընկերության կողմից պատրաստված իսրայելական «Bereshit» ապարատը վթարի է ենթարկվել Լուսնի վրա վայրէջք կատարելիս:

Հաղորդագրությունում ասվում է, որ հատկացված գումարը կօգտագործվի նոր ծրագրի ղեկավար վարձելու համար, ով կարող է առաջ տանել Bereshit-2 առաքելության իրականացումը: