Տոտո Կուտունյոյին հնարավոր է չթողնեն Մոսկվա

Իտալացի երգիչ և կոմպոզիտոր Տոտո Կուտունյոյի  համերգը Կրեմլում, որը պետք է կայանա ապրիլի 9-ին, կորոնավիրուսի պատճառով չկայանալու վտանգի տակ է: Այս մասին գրում է kulturomania.ru կայքը՝ հղում անելով «Подъем» թելագրամ ալիքին, որն էլ իր հերթին հղում է արել Attackconcerts գործակալությանը:

Հաղորդվում է, որ իտալացի արտիստին հնարավոր է չթողնեն Ռուսաստան  վարակի տարածման դեմ պայքարի միջոցառումների շրջանակում: Ավելի վաղ հայտնի էր դարձել, որ իտալացի քաղաքացիների մուտքը ՌԴ արգելված է:

Կազմակերպիչները հիշեցնում են, որ կորոնավիրուսի դեմ ուղղված միջոցառումների շուրջ իրավիճակն ամեն օր փոխվում է, հույս են հայտնել, որ Կրեմլի պալատում նախատեսված համերգը կկայանա ըստ ծրագրի:

«Եթե ոչ՝ կտեղափոխեն աշուն: Շատ հույս ունենք, որ պետությունը կաջակցի և կլինի փոխհատուցում»,- ասել են կազմակերպիչները: