Իսպանիան գնահատում է Ձյուբային «Ռեալ» տեղափոխելու հնարավորությունը

«Զենիթի» հարձակվող Արտեմ Ձյուբան հայտարարել է «Ռեալի» կազմում խաղալու ցանկության մասին, փոխանցում է «Գազետա.ռու»-ն։

«Ձյուբան ուզում է խաղալ «Ռեալում»: Դա երբեք չի պատահի, դա անհնար է, ճիշտ այնպես, ինչպես Իսպանիայի ցանկացած այլ բարձրակարգ ակումբում»,- ասել է իսպանական «Marca»-ի խմբագիր Խուան Կաստրոն՝ անդրադառնալով Ձյուբայի ցանկությանը։

Ռուսաստանի առաջնության այս մրցաշրջանում Ձյուբան մասնակցել է 21 հանդիպման, որոնց ընթացքում խփել է 13 գոլ և արել 9 գոլային փոխանցում։