Նոյերը ցանկանում է պայմանագիր կնքել «Բավարիա»-ի հետ՝ առնվազն մինչև 2024 թվականը

«Բավարիա»-ի դարպասապահ Մանուել Նոյերը ցանկանում է թիմի հետ նոր համաձայնագիր ստորագրել առնվազն մինչև 2024 թվականը, փոխանցում է «ՏԱՍՍ»-ը։

Ըստ աղբյուրի՝ «Բավարիա»-ն դարպասապահին առաջարկել է երեք տարվա պայմանագիր ՝ յուրաքանչյուր մրցաշրջանում 12 միլիոն եվրո աշխատավարձով: Նոյերը համաձայն չէ այս առաջարկի հետ և ցանկանում է առնվազն չորս տարով պայմանագիր կնքել: Միևնույն ժամանակ, գերմանացին ակնկալում է 20 միլիոն եվրո աշխատավարձ: Դարպասապահի գործող պայմանագիրը կավարտվի 2021 թվականի հունիսին:

Նշվում է, որ այս եղանակով Նոյերը ցանկանում է իրեն երաշխավորել թիմի հիմնական դարպասապահի կարգավիճակում: Հունվարի սկզբին «Բավարիան» պայմանագիր է ստորագրել «Շալկեի» 23-ամյա դարպասապահ Ալեքսանդր Նյուբելի հետ: Համաձայնագիրը կսկսվի 2020-ի ամռանը:

Գերմանիայի չեմպիոնական մրցաշրջանը անորոշ ժամանակով ընդհատվել է՝ կորոնավիրուսային պանդեմիայի պատճառով: