Շումախերը ճանաչվել է «Ֆորմուլա 1»-ի պատմության ամենաազդեցիկ մարդը

Լեգենդար ավտոարշավորդ Միխայիլ Շումախերը ճանաչվել է «Ֆորմուլա 1»-ի պատմության ամենաազդեցիկ մարդը։

Վեստի.ռու կայքը գրում է, որ «Արքայական մրցավազքի» կայքում կայացած վերջնական քվեարկության ժամանակ գերմանացին շրջանցել է «Ֆորմուլա-1»-ի նախկին ղեկավար Բերնի Էկլեստոնին։

Շումախերը հավաքել է 61 տոկոս, նրա մրցակիցը՝ 39 տոկոս։

Շումախերը 7 անգամ դարձել է աշխարհի չեմպիոն և համարվում է «Ֆորմուլա 1»-ի մեծագույն վարորդներից մեկը։

Ըստ «Ֆորմուլա 1»-ի պաշտոնական կայքի՝ Շումախերը «մեծագույն վարորդն է, որը սպորտը երբևէ տեսել է»։

2013 թ. վերջին նա ստանում է գլխուղեղի աջ կիսագնդի վնասվածք ֆրանսիական Ալպերում դահուկով սահելու ժամանակ։ Նա երկար ժամանակ կոմայի մեջ է եղել։ Ներկա պահին Շումախերի հարազատները մարզիկի վիճակի մասին մանրամասներ չեն հայտնում։