Համավարակի ավարտից հետո հակադոպինգային լրացուցիչ թեստերի անհրաժեշտություն կլինի․WADA

Կորոնավիրուսի համավարակի ավարտից հետո, երբ սկսվեն մրցումները, բացթողումները  շտկելու համար  անհրաժեշտ կլինի անցկացնել լրացուցիչ նպատակային թեստեր։ Այս մասին   հայտարարել է համաշխարհային հակադոպինգային գործակալությունը /WADA/, գրում է ՀԱՕԿ-ը։

Հաղորդագրության մեջ նաև  ասվում է, որ  դոպինգի նմուշները հետագա վերլուծության համար շարունակում են պահպանվել,  իսկ  վարակի  ժամանակ տեղի ունեցած խախտումները հնարավոր է հայտնաբերել մարզիկի կենսաբանական անձնագրի միջոցով:

Հակադոպինգային համակարգն ավելի  ամրապնդելու նպատակով  WADA- ն ստեղծել  է փորձարկման աշխատանքային խումբ։