Ուկրաինան կարանտինային ռեժիմը կպահպանի մինչև նոյեմբեր

Ուկրաինայի կառավարությունն առաջարկում է երկարաձգել կորոնավիրուսային վարակի պատճառով ներդրված կարանտինը մինչև այս տարվա նոյեմբերի 1-ը,: Այս մասին հայտնել է վարչապետ Դենիս Շմիալը:

«Գազետա.ռու»-ի փոխանցմամբ, անցած օրվա ընթացքում Ուկրաինայում գրանցվել է նոր կորոնավիրուսային վարակի ավելի քան 1,6 հազար դեպք:

Երկրի վարչապետը նշել է, որ նման համաճարակաբանական իրավիճակներում պետք է երկարաձգել կարանտինային ռեժիմը։

Ուկրաինայի նախագահ Վլադիմիր Զելենսկին համաձայնել է կարանտինային միջոցառումները երկարաձգելու անհրաժեշտության հետ, բայց նշել է, որ ռեժիմը բիզնեսի համար պետք է լինի «հարմարվողական և ոչ թե ծանրաբեռնված»:

Ուկրաինան կարանտինային ռեժիմում է 2020 թվականի մարտի 12-ից: