Ֆրանսիայի նախկին նախագահ Վալերի Ժիսկար դ'Էստենը հոսպիտալացվել է Փարիզում

Ֆրանսիայի նախկին նախագահ Վալերի Ժիսկար դ'Էստենը հոսպիտալացվել է Փարիզի Ժորժ Պոմպիդուի հիվանդանոց: Այս մասին գրում է Euronews-ը՝ հղում կատարելով 94-ամյա քաղաքական գործչի շրջապատին:

Ըստ Parisienne թերթի, նախկին նախագահը գտնվում է վերակենդանացման բաժանմունքում՝ թոքերի վարակով: Նրա հարազատները չեն հաստատել այս տեղեկությունը:

Նախկին նախագահի որդին՝ Լուիսը,  չի մեկնաբանել իր հոր առողջական վիճակը:

Վալերի Ժիսկար դ'Էստենը Ֆրանսիայի նախագահն էր 1974-ից 1981 թվականներին: