Ամենից շատ կարդացված նյութեր
.jpg "Բաքվի բռնապետական ռեժիմի համար որևէ նշանակություն չունեն մարդկային կյանքերը. Տաթև Հայրապետյան")
Բաքվի բռնապետական ռեժիմի համար որևէ նշանակություն չունեն մարդկային կյանքերը. Տաթև Հայրապետյան
«Բաքվի բռնապետական ռեժիմի համար որևէ նշանակություն չունեն մարդկային կյանքերը, Ալիևն իր առջև իշխանության պահպանման խնդիր է դրել»,- մամուլի ասուլիսում հայտնեց ԱԺ «Իմ քայլը» խմբակցության պատգամավոր Տաթև Հայրապետյանը:
Նա վստահաբար ընդգծեց, որ առաջին խոշորագույն պատությունը, որ հայկական զինված ուժերը հաստատ հասցնելու են ադրբեջանական բանակին, Ալիևի իշխանության համար ճակատագրական հետևանքներ է ունենալու:
«Այս արկածախնդրությունը շատ թանկ է արժենալու Ադրբեջանի վրա, որովհետև նրանք վերադարձ են կատարելու 90-ականների ներքաղաքական խժդժությունների ժամանակահատված, որտեղ իշխանությունները փոխվում էին հայկական ուժերի ռազմական հաջող գործողություններին զուգընթաց»,- հայտարարեց պատգամավորը:
Տաթև Հայրապետյանի խոսքով, Թուրքիայի ներգրավվածությունը հնարավորություն է տալիս ողջ աշխարհին ցույց տալու, որ նա չի հրաժարվել իր պլաններից և 100 տարի առաջ որդեգրած ձեռագրից:
Ըստ պատգամավորի, ի տարբերություն նախորդ դարի իրադարձությունների, այսօր ունենք պետություն, հզոր բանակ և դիվանագիտական ներուժ՝ այդ ամենը միջազգային հանրությանը հասցնելու համար:
«Աշխարհը հստակ գիտակցում է, թե ով է ագրեսորը տարածաշրջանում, հստակ գիտակցում է Թուրքիայի բացառիկ ապակառուցողական դերը»,- հայտնեց բանախոսը և նկատեց, որ Թուրքիային ուղղված զգուշացումները կարևոր գործընթացների սկիզբ են լինելու:
Նրա խոսքով, Թուրքիան ամբողջ աշխարհում, առավել ևս այս տարածաշրջանում, խաղում է ապակայունացնող դեր:
«Էրդողանի հայտարարությունները գերազանցում են Ալիևի հայտարարությունները, տպավորություն է, որ Ադրբեջանի գերագույն գլխավոր հրամանատարը հենց ինքը՝ էրդողանն է, նա է հրամաններ արձակում»,- նկատեց Տաթև Հայրապետյանը և շեշտեց, որ թուրքական այդպիսի պահվածքը չի կարող անպատիժ մնալ:
Studio One