Առյուծը առյուծ է՝ տղամարդ լինի, թե կին

Սեպտեմբերի 29-ից կանայք ևս կամավորագրվում են, որպեսզի անհրաժեշտության դեպքում մասնակցեն մարտերին։

Օմոնի խորհրդի անդամ, փոխգնդապետ Մարինե Այրումյանի գլխավորությամբ իրականացվող կանանց կամավորական զորահավաքին մեկ օրում գրանցվել է 250 կին։

Մարինե Այրումյանը Panorama.am-ին հայտնեց, որ կամավորագրվող կանայք 18-55 տարիքային խմբում են։ Նա նշեց, որ կամավորագրվել ցանկացող կանայք կարող են անձնագրով ներկայանալ Մոսկովյան 5՝ Միլիցիայի հատուկ նշանակության ջոկատի օպերատիվ շենք։

Հիշեցնենք՝  սեպտեմբերի 27-ին ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։