Նկարահանումներ՝ Հադրութում

ՀՀ պաշտպանության նախարարության մամուլի խոսնակ Շուշան Ստեփանյանը ներկայացրել է տեսանյութ՝ «Զինուժ մեդիայի» նկարահանումները Հադրութում։

Հիշեցնենք, որ երեկ Ադրբեջանի զինված ուժերը կրակի տակ էին պահում Հադրութ քաղաքը։

Այսօր կայացած ասուլիսում Արցախի Հանրապետության նախարար Արայիկ Հարությունյանն ասել էր. «Քանի որ Ալիևը հայտարարել էր՝ իբր գրավել են Հադրութը, իսկ հրադադարից առաջ հասկացել են, որ շատ հեռու են Հադրութի սահմաններից, վերջին հարվածն ընտրել են Հադրութ քաղաքը։ Հաստատ ունեն պատրաստված ստորաբաժանումներ, վարձկաններ և այլ երկրների հատուկ ծառայություններից ուժեր, և համատեղ ձևավորել են խումբ, որի նպատակը ոչ թե դիվերսիան է եղել, այլ հրադադարից առաջ Հադրութը գրավելը։ Նրանց հաջողվել է այդ խմբերը մտցնել Հադրութ քաղաք և մոտակա տարածք, առաջին փուլում ինչ-որ դիվերսիոն միջոցառումներ իրականացնել, բայց մեզ հաջողվել է վերաձևակերպվել, վերադասավորվել, և Հադրութի վարչակազմի ղեկավարն այսօր գտնվում է Հադրութ քաղաքի վարչակազմի շենքում»։