CBS-ը դադարեցրել է բողոքի ակցիայի մասնակից իր երկու աշխատակիցների գործունեությունը

CBS հեռուստաընկերության ղեկավարությունը Լոս Անջելեսում Հայաստանի հյուպատոս Արմեն Բայբուրդյանին նամակ է հղել, որում ներողություն է խնդրել ընկերության շենքի մատույցներում տեղի ունեցած միջադեպի կապակցությամբ: Այս մասին տեղեկացնում է Massispost պարբերականը:

Նամակում, մասնավորապես, ասվում է, որ Լոս Անջելեսում ընկերության շենքի մոտ հայկական համայնքի ներկայացուցիչների կազմակերպած ցույցի ժամանակ երկու հոգի ատելություն պարունակող արտահայտություններ են հնչեցրել հայ ակտիվիստների հասցեին: Այդ անձինք եղել են CBS-ի աշխատակիցներ:

Ընկերության ղեկավարությունը տեղեկացրել է, որ այդ աշխատողների գործունեությունն ընկերությունում դադարեցվել է՝ նշելով, որ նախկին աշխատակիցների և CBS-ի արժեքները չեն համապատասխանում միմյանց: