Ջավախքցի բժիշկ Արմեն Բդոյանը պարգևատրվել է «Տիգրան Մեծ» շքանշանով

Բժիշկ Արմեն Բդոյանը ծնունդով Նինոծմինդայից է: Ավարտել է Երևանի Մխիթար Հերացու անվան պետական բժշկական համալսարանը, որտեղ և աշխատում է: Արցախյան պատերազմի սկսվելուց հետո նա մեկնել է Արցախ իր բժշկական պարտքը կատարելու: Բժիշկը պարգևատրվել է «Տիգրան Մեծ» շքանշանով։ Այս մասն գրում է «Ջավախք մեդիան»։ 

2002 թ. ընդունված օրենքի համաձայն «Տիգրան Մեծ» շքանշանով պարգևատրվում են Հայաստանի Հանրապետության պետական գործիչները, զինված ուժերի և այլ զորքերի բարձրագույն հրամանատարական կազմի զինծառայողները։ 2006 թ. մայիսի 2-ին օրենքում կատարվել է լրացում, ըստ որի շքանշանով կարող են պարգևատրվել նաև Հայաստանի Հանրապետության զինված ուժերի և այլ զորքերի զորամասերը։