Քվինսլենդ նահանգը հաջորդ տարի կներգրավվի 2032թ․ ամառային օլիմպիական խաղերի անցկացման հայտ ներկայացնելուն

Ավստրալիայի Քվինսլենդ նահանգը հաջորդ տարի կներգրավվի 2032թ․  ամառային օլիմպիական խաղերի անցկացման հայտ ներկայացնելու գործընթացում։ Այս մասին տեղեկացնում է ՀԱՕԿ-ը։ 

Այն կասեցվել էր  համավարակի պատճառով: Որոշումն ընդունվել է ՄՕԿ-ի փոխնախագահ, Ավստրալիայի ԱՕԿ-ի  ղեկավար Ջոն Քոութսի և Քվինսլենդի վարչապետ Անաստասիա Պալաշչուկի հետ կայացած հարցի քննարկման արդյունքում։

«Մենք  հետևում ենք կորոնավիրուսի  ընթացքին։ Հատկապես դրական ազդակներ կան  պատվաստանյութի հարցում։ Դա   լավատեսական հույս է ներշնչում  ապագայի համար»,-լրագրողներին ասել է Անաստասիա Պալաշչուկը:

Ավստրալիայում COVID-19-ը  վերահսկվում  է, իսկ խաղերի հայտ ներկայացնելուն աջակցում են երկրի կառավարությունը  և բնակչությունը։ Ծրագրի շնորհիվ կստեղծվեն նոր աշխատատեղեր և ենթակառուցվածքներ:

Անհրաժեշտ  մարզահամալիրների 80 տոկոսը պատրաստ  է։ Ներդրում կպահանջվի տրանսպորտային համակարգի համար:

Ավստրալիան օլիմպիական խաղեր անցկացնելու մեծ  փորձ ունի: 1956-ին ամառային մարզահանդեսը կայացել է այդ երկրի Մելբուռն, իսկ 2000-ին ՝ Սիդնեյ քաղաքներում:

Քվինսլենդից բացի, Ինդոնեզիան  և Քաթարը նույնպես  հետաքրքրված են  2032թ․ խաղերի կազմակերպմամբ: Հնարավոր է Չինաստանը  ևս միանա  պայքարին: