«AstraZeneca»- ն պնդում է՝ պատվաստանյութը տարեցների համար ևս արդյունավետ է

«AstraZeneca» դեղագործական ընկերությունը «միանգամայն սխալ» է անվանել «Handelsblatt and Bild» գերմանական թերթերի հրապարակումներն այն մասին, թե իր կողմից մշակված պատվաստանյութի արդյունավետությունը 65 տարեկանից բարձր մարդկանց մոտ ընդամենը 8% է: Այս մասին գրում է «Ինտերֆաքսը»։

Ըստ ընկերության, Մեծ Բրիտանիայի պատվաստանյութերի և պատվաստումների միացյալ կոմիտեն աջակցում է տարեցների պատվաստանյութի օգտագործմանը, և հետազոտության այս խմբի մասնակիցների արյան թեստում հայտնաբերվել է պատվաստանյութի նկատմամբ ուժեղ իմունային պատասխան:

Ակնկալվում է, որ Եվրոպական դեղերի գործակալությունը (EMA) կհաստատի «AstraZeneca» պատվաստանյութի օգտագործումը մինչև այս շաբաթվա վերջ:

Եվրամիությունը, համաձայն նախապես ստորագրված համաձայնագրի, այս տարվա առաջին եռամսյակում պետք է ստանա պատվաստանյութի 100 միլիոն չափաբաժին: Բայց մտավախություններ կան, որ ընկերությունը կստանա գումարի միայն կեսը, որը վերաբերում է արտադրական խնդիրներին: