Իրավաբան. Ակներև է՝ դատարանը Սաղաթելյանին կալանավորելու որոշումը կայացրել է քաղաքական ճնշման տակ

Քաղաքագետ Հրանտ Մելիք-Շահնազարյանը, արձագանքելով ԱԺ աշխատակազմի նախկին ղեկավար Արա Սաղաթելյանին կալանավորելուն, գրում է.

«Ֆարխոյանի ցուցակում կարող եք ևս մեկ դատավորի անուն ավելացնել՝ Արմինե Մելիքսեթյան: Քիչ առաջ այդ... չգիտեմ ինչպես կոչել դրան: Այդ էակը բավարարեց Արա Սաղաթելյանին կալանավորելու դավաճան Նիկոլի կեղտոտ պատվերը: Ահա այդպես:

Երևի քիչ հետո տուն կգնա ու կասի՝ գործից տուն եմ եկել...

Արիկն իր կյանքում շատ դժվարություններ է հաղթահարել: Սա էլ կանցնի: Բայց հաստատ անհետևանք չի մնա: Բոլոր դավաճաններն ու նրանց կամակատարները մի օր կանգնելու են իսկական դատարնի առջև: Ու ահա այդ օրը կգա պատասխանատվության ժամը»։

Իրավաբան Ռոբերտ Հայրապետյանն էլ համոզմունք է հայտնում, որ նման որոշում կայացվել է քաղաքական ճնշման ներքո.

«Դատարանը բավարարեց Արա Սաղաթելյանին կալանավորելու վերաբերյալ միջնորդությունը և նրա նկատմամբ որպես խափանման միջոց ընտրեց երկամսյա կալանավորումը:

Կարծում եմ ակներև է, որ դատարանն այս որոշումը կայացրել է քաղաքական ճնշման տակ՝ ղեկավարվելով բացառապես մանկամտության կանխավարկածով, աստղագուշակով և Արցախի 75%-ը հանձնածներին ծառայամտորեն հնազանդվելու անողնաշարությամբ:

Սա այս իշխանությունների քաղաքական ֆունդամենտով «քրեական» գործերի խայտառակ հավաքածուի ամենապատվավոր տեղում գտնվող քրեական գործերից է, որին մասնակից ցանկացած անձի մոտ ապագայում քրեական օրենսգրքի մի շարք հոդվածներ են սպասելու, ըստ որում՝ գերհիմնավորված»։