Ամենից շատ կարդացված նյութեր
.jpg "Ով կռվեց, ով կյանքը տվեց, ձեր մտածելով, իրենք մեղավորը դուրս եկան, հա՞. անհետ կորած զինծառայողի հորեղբայր")
Ով կռվեց, ով կյանքը տվեց, ձեր մտածելով, իրենք մեղավորը դուրս եկան, հա՞. անհետ կորած զինծառայողի հորեղբայր
«Ես անձամբ չեմ ստուգել, բայց կարծում եմ, որ «Սպայկայի» ֆուռերում մարմիններ կան, հենց այնպես այնտեղ կանգնած չէին լինին: Եթե կանգնած են, ուրեմն կան»,- ֆեյսբուքյան ուղիղ եթերում ասել է անհետ կորած ժամկետային զինծառայողի հորեղբայր Արսեն Ղուկասյանը:
Նա նշել է, որ կան մարմիններ, որ ԴՆԹ-ն արվել է, բայց ոչ մեկի հետ չի համընկել:
«Ես ծնողներ գիտեմ, որ առ այսօր ԴՆԹ չեն հանձնել, իրենց նորից խնդրում, հորդորում եմ, գնացեք, ԴՆԹ-ն հանձնեք: Ումը որ չի համընկել ոչ մեկի հետ, իմ կարծիքով, ԴՆԹ պատասխանները նաև ուղարկել են հակառակորդին, որ իրենք ստուգեն, փոխանակում անեն: Այնպես որ գնացեք անպայման հանձնեք ԴՆԹ-ն, եթե թուրքերին էլ չեղավ, եղբայրական գերեզմանում են թաղելու: Այդպես պետք չէ, գնացեք, հանձնեք»,-ասել է Ա. Ղուկասյանը:
Նրա խոսքով, մոտ 150 չճանաչված մարմին կա:
Արսեն Ղուկասյանը նաև ընդգծել է՝ բոլոր մեղավորները պետք է պատիժ կրեն. «Շատ-շատերն են պատիժ ստանալու: Ամեն մեկն իր փայով ուզում է իրեն արդարացնի: Գեներալները բոլորն անմեղ են, կառավարությունն անմեղ է, ում լսում ես, խոսացնում ես, բոլորն անմեղ են: Ոչ մեկ, ոչ մի բանից տեղյակ չէ: Դուրս է գալիս՝ ո՞վ է մեղավոր: Մեր երեխաները, մեր եղբայրներն էին մեղավո՞ր: Ով կռվեց, ով կյանքը տվեց, ձեր մտածելով, իրենք մեղավորը դուրս եկան, հա՞»:
Մանրամասները՝ տեսանյութում:
Studio One