Ֆրանսիայում հիվանդներին Pfizer պատվաստանյութի փոխարեն աղ են ներարկել

Ֆրանսիայի հյուսիս-արևելքում գտնվող Էպերնեյ քաղաքում  հիվանդներին սխալմամբ աղ են ներարկել Pfizer պատվաստանյութի դոզայի փոխարեն, հաղորդում է France Bleu ռադիոկայանը:

«ՌԻԱ Նովոստի»-ի փոխանցմամբ, պատվաստումների կենտրոնում 140 հիվանդների բժիշկները աղի լուծույթ են ներարկել: Այս ներարկումն անվտանգ է առողջության համար, սակայն աղ ստացած հիվանդները պետք է նորից պատվաստվեն: Նրանց մի մասն արդեն պատվաստվել է ուրբաթ օրը, մյուս մասը պատվաստվելու է չորեքշաբթի օրը:

Պատվաստումների արշավը Ֆրանսիայում մեկնարկել է դեկտեմբերի վերջին: Հիմնականում պատվաստվել են տարեցներն ու առողջապահական աշխատողները:

Ըստ Ֆրանսիայի առողջապահության նախարարության, երկրում շուրջ 14 միլիոն մարդ արդեն ստացել է պատվաստանյութի առաջին դեղաչափը: