Պյանիչը գուցե վերադառնա Յուվենտուս

«Բարսելոնայի» կիսապաշտպան Միրալեմ Պյանիչը կարող է վերադառնալ «Յուվենտուս»․ թուրինյան ակումբը քննարկում է բոսնիացուն վերադարձնելու տարբերակը, փոխանցում է sport-express.ru-ն։

Մասիմիլիանո Ալեգրին հետաքրքրված է խաղացողի տրանսֆերով, եթե իհարկե նա հաջորդ մրցաշրջանում գլխավորի «Յուվենտուսը»:

Նշվում է, որ «բյանկոներիները» պատրաստ կլինեն Ադրիեն Ռաբյոին կամ Ռոդրիգո Բենտանկուրին փոխանակել Պյանիչի հետ: Ռաբիոյի մասնակցությամբ փոխանակումն ավելի հավանական է թվում:

Ավելի վաղ հայտնի էր դարձել, որ «Բարսելոնան» պատրաստ է վարձավճարով Պյանիչին տրամադրել մեկ այլ ակումբի:

Հիշեցնենք, որ 31-ամյա բոսնիացին «Բարսելոնա» էր տեղափոխվել 2020-ի ամռանը ՝ Արթուրի հետ փոխանակման արդյունքում: Նույն սխեման կարող է իրականացվել այս տարի: