Իսրայելական սինագոգի փլուզման հետևամքով տուժածների թիվը հասել է 219-ի

Հորդանան գետի Արևմտյան ափին գտնվող Գիվատ-Զեևի սինագոգում ամբիոնի փլուզման արդյունքում 219 մարդ է վիրավորվել: «Ինտերֆաքս»-ի փոխանցմամբ, այդ մասին հաղորդել է «Ynet»-ը:

Ըստ բժիշկների՝ վիրավորների մեծ մասի վիճակը մտահոգության տեղիք չի տալիս, սակայն 15 տուժած գտնվում են ծանր վիճակում:

«Ynet»-ը նշում է, որ փլուզված սինագոգի ամբիոնը ժամանակավորապես կանգնեցվել է՝ Շավուոտը նշելու համար: Փլուզման պահին ամբիոնին եղել են հարյուրավոր մարդիկ:

Գիվատ-Զեևի սինագոգում ամբիոնի փլուզումը տեղի է ունեցել կիրակի երեկոյան: Երկու մարդ էր զոհվել՝ 12-ամյա մի տղա և 40-ամյա կին:

Փլուզումից հետո պարզվել է, որ սինագոգի շինարարությունն ավարտված չէր և գործելու թույլտվություն չուներ: