Ստեփանակերտի բանալու տեսքով արձանի վրա գրություններն այլևս տեսանելի չեն. քաղաքապետարան

Ստեփանակերտի քաղաքապետ Դավիթ Սարգսյանի կարգադրությամբ՝ Ստեփանակերտի «Մենք ենք մեր սարերը» հուշարձանի տարածքում բանալու տեսքով արձանի վրա բոլոր գրությունները այլևս տեսանելի չեն, քանի որ դրանք նախատեսված չէին նախագծով: Այս մասին հայտնում են Ստեփանակերտի քաղաքապետարանից։ 

Ինչ վերաբերում է կոնկրետ բանալուն, ապա նրա ճակատագիրը, քաղաքապետարանի հաղորդմամբ, կորոշվի շուտով՝ մասնագիտական եզրակացությունից հետո: