Ամենից շատ կարդացված նյութեր
.jpg "Զինծառայողներն առևանգվել են ՀՀ ինքնիշխան տարածքում ականապատման աշխատանքներ կատարելու ժամանակ")
Զինծառայողներն առևանգվել են ՀՀ ինքնիշխան տարածքում ականապատման աշխատանքներ կատարելու ժամանակ
Գործադիրի լիազորությունները ժամանակավորապես կատարող կառավարության այսօրվա նիստի մեկնարկին Նիկոլ Փաշինյանը հայտնեց, որ հայ 6 զինծառայող առևանգվել են ՀՀ ինքնիշխան տարածքում ականապատման աշխատանքներ կատարելու ժամանակ :
«Դրանք իրականացվել են ոչ թե դիվերսիոն նպատակով, այլ ականապատում է իրականացվել՝ զուգահեռաբար տեղադրվել են զգուշացնող նշաններ տարածքի ականապատված լինելու վերաբերյալ, այդ գործողություներն իրականացվել են սահմանի պաշտպանության մակարդակը բարձրացնելու համար»,- հայտնեց Փաշինյանը:
Նրա խոսքով՝ մայիսի 12-ից ՀՀ տարածքում գտնվում են Ադրբեջանի զինված ուժերի ստորաբաժանումներ և հարցն այդ համատեքստում է, իսկ նման գործընթացներն անընդունելի են Հայաստանի համար:
Փաշինյանը հայտարարեց, որ նման միջադեպերը տեղի են ունենում միտումնավոր. «Ոմանք ուզում են, որ մենք համակերպվենք մեր տարածքում ադրբեջանական ուժերի ներկայության հետ, ինչը տեղի ունենալ չի կարող»:
Փաշինյանը հայտարարեց, որ հարցը չպետք է օգտագործվի ներքաղաքական նպատակով և պետք է դատապարտել միջադեպը բանակի դեմ օգտագործելու փորձերը, քանի որ բանակը կատարում է իր գործառույթը:
Նկատենք որ զինվորների առևանգման և սահմանախախտման դեպքերի համար որևէ մեկը բանակին չի մեղադրել, այլ մշտապես մատնանշվել է գործող իշխանությունների՝ մասնավորապես Նիկոլ Փաշինյանի անկարողությունը և զիջողական քաղաքականությունը:
Studio One