Սեռափոխված ծանրորդը կմասնակցի Տոկիոյի Օլիմպիական խաղերին

43-ամյա սեռափոխված ծանրորդ Լորել Հաբբարդը միացել է Նոր Զելանդիայի ազգային հավաքականին Տոկիոյի օլիմպիական խաղերին մասնակցելու համար: Ըստ Նոր Զելանդիայի ազգային օլիմպիական կոմիտեի, Հաբբարդը ընդգրկված է կանանց ծանրամարտի հավաքականում և երկիրը կներկայացնի 87 կգ-ից ավելի քաշային կարգում: Տեղեկությունը ներկայացնում է «Գազետա ռու»-ն:

«Ես ցնցված և շնորհակալ եմ այն աջակցության համար, որն ինձ ցուցաբերել են նման մեծ թվով նորզելանդացիները»,- ասել է Հաբբարդը:

Նշվում է, որ Հաբբարդը կատարել է բոլոր ընդունելության պայմանները, որոնք մշակվել էին Միջազգային օլիմպիական կոմիտեի և ծանրամարտի միջազգային ֆեդերացիայի կողմից, ներառյալ տրանսգենդեր անձանց չափանիշները:

Միջազգային օլիմպիական կոմիտեն հաստատել էր նման մարզիկների մասնակցությունը դեռ 2015 թ-ին։

Կին դառնալու որոշումից առաջ ծանրամարտիկ Լորել Հաբբարդը ստացել է Գեվին Հաբբարդ անունը: Սեռը փոխելու վիրահատություն տեղի չի ունեցել, և ամեն ինչ սահմանափակվել է հորմոնալ թերապիայով: Այնուամենայնիվ, ՄՕԿ-ի վերանայված կանոններն այժմ Հաբբարդին թույլ են տալիս մրցել կանանց մրցումներում: