«Ռեալը» հերքել է Լա Լիգայից հեռանալու և Պրեմիեր լիգային միանալու հավանականության մասին լուրերը

Իսպանական Մադրիդի «Ռեալ» ակումբը հերքել է երկրի առաջնությունից դուրս գալու մասին լուրը։ Այս մասին հայտարարում է «Ռեալ Մադրիդ»-ի պաշտոնական կայքէջը։

«Անդրադառնալով պարբերականում հրապարակված այն տեղեկությանը, որ մեր ակումբը դիտարկում է Լա Լիգայից դուրս գալու և Պրեմիեր լիգային միանալու հավանականությունը, «ՌեալՄադրիդ»-ը  հայտնում է՝ այս տեղեկությունն ամբողջովին կեղծ է, անհեթեթ և անհնարին»,- ասված է ակումբի հայտարարության մեջ: