Վրաստանում պատվաստվել է 938 705 մարդ, օգոստոսի 20-ին իրականացվել է 28 555 պատվաստում

Օգոստոսի 20-ի տվյալներով, Վրաստանում ընդհանուր առմամբ իրականացվել է 938 705 պատվաստում։Այս մասին հայտնում է վրացական Առաջին ալիքը, վկայակոչելով տեղի Հիվանդությունների վերահսկման ազգային կենտրոնին:

Ըստ տվյալների, ամբողջությամբ պատվաստվել է 276 917 մարդ:

Միևնույն ժամանակ, պաշտոնական տվյալների համաձայն, վերջին 24 ժամվա ընթացքում պատվաստվել է 28 555 մարդ:

Ինչ վերաբերում է նոր դեպքերին, Վրաստանում վերջին մեկ օրում հայտնաբերվել է կորոնավիրուսի 4 901 նոր դեպք, ապաքինվել է 2 586 հիվանդ, մահացել՝ 74 վարակակիր: