Ռոնալդուն խոսել է «Մանչեսթեր Յունայթեդ» վերադառնալու պատճառների մասին

«Մանչեսթեր Յունայթեդի» հարձակվող Կրիշտիանու Ռոնալդուն իր թիմակիցներին պատմել է, թե ինչու է որոշել վերադառնալ թիմ: Պորտուգալացին նշել է, որ շատ է սիրում այս ակումբը:

«Եթե ցանկանում եք հաջողակ լինել այստեղ, պետք է սիրեք այս տարբերանշանը: Թիմի համար պետք է տրվես հարյուր տոկոս: Ես այստեղ եմ եկել հաղթանակների համար: Դա ինձ երջանկություն է բերում »,- Գազետա.ռու-ի հաղորդմամբ, մեջբերում է Ռոնալդուի խոսքը Marca-ն:

Օգոստոսի 27-ին «Մանչեսթեր Յունայթեդը» հայտարարեl է Ռոնալդուի վերադարձի մասին: Ըստ մամուլի հրապարակումների,  տրանսֆերի գումարը կազմել է 20 միլիոն եվրո: Ռոնալդուն «Մանչեսթեր Յունայթեդը»-ում հանդես է եկել 2003-2009 թվականներին: Ակումբի կազմում նա դարձել է Անգլիայի Պրեմիեր լիգայի (Պրեմիեր լիգա) եռակի չեմպիոն և Չեմպիոնների լիգայի հաղթող:

2018 թվականից հարձակվողը հանդես է գալիս Թուրինի «Յուվենտուսում»: Բոլոր մրցաշարերում նա մասնակցել է 133 խաղի, որոնցում դարձել է 101 գոլի հեղինակ: