Ամենից շատ կարդացված նյութեր
.jpg "Արցախի ուսուցիչները ՄԻՊ-ին ներկայացրել են դպրոցների ոչ բարվոք վիճակի, ապաստարանների բացակայության խնդիրները")
Արցախի ուսուցիչները ՄԻՊ-ին ներկայացրել են դպրոցների ոչ բարվոք վիճակի, ապաստարանների բացակայության խնդիրները
Սեպտեմբերի 15-ին և 16-ին Արցախի Հանրապետության Մարդու իրավունքների պաշտպանի աշխատակազմի ներկայացուցիչները այցելել են Արցախի Հանրապետության Ասկերանի շրջանի Քռասնու միջնակարգ, Այգեստանի Ա.Բալայանի անվան հիմնական և Խնածախի Ա.Ավագյանի անվան միջնակարգ դպրոցներ ու հանդիպումներ ունեցել տեղի դպրոցների աշակերտների և ուսուցչական անձնակազմի հետ: Այս մասին տեղեկանում ենք Արցախի ՄԻՊ-ից։
Նշվում է, որ այցերի ընթացքում ներկայացվել են երեխաների հիմնական իրավունքները, հատուկ անդրադարձ է կատարվել երեխայի կրթության իրավունքին, որին հարցերի ու պատասխանների ձևաչափով հաջորդել են քննարկումներ դրանց բովանդակության, գործնականում իրագործման վերաբերյալ:
Բացի դրանից, ուսուցչական անձնակազմի կողմից ներկայացվել են մի շարք հարցեր, որոնք կապված էին դպրոցների՝ ոչ բարվոք վիճակում գտնվելու, ապաստարանների բացակայության, ինչպես նաև ջրի մատակարարման խոչընդոտների հետ:
Ասվում է, որ պաշտպանի իրավասության սահմաններում կձեռնարկվեն անհրաժեշտ միջոցներ՝ այդ խնդիրների լուծմանն աջակցելու նպատակով:
Studio One