Հրատարակվել է «Հայ կոմպոզիտորների մանկական երգեր» ժողովածուի երրորդ մասը

Հայաստանի կոմպոզիտորների միության նախաձեռնությամբ հրատարակվել է «Հայ կոմպոզիտորների մանկական երգեր» ժողովածուի երրորդ մասը:

Ժողովածուի առաջին մասը հրատարակվել էր 2018 թվականին, իսկ երկրորդը՝ 2019 թվականին:

Կոմպոզիտորների միությունից հայտնում են, որ ժողովածուի երրորդ մասում ընդգրկված է շուրջ 10 հեղինակի՝ տարբեր բնույթի և բարդության միաձայն և բազմաձայն թվով 21 երգ՝ նախատեսված երաժշտական և արվեստի դպրոցների տարբեր տարիքային խմբերի աշակերտների համար:

«Հայ կոմպոզիտորների մանկական երգեր» ժողովածուի երրորդ մասը հրատարակվել է «Արմյուզիք» հրատարակչության կողմից: