Ֆիոլետովոյի գործող գուղապետը չի մասնակցի ընտրություններին

Լոռու մարզի՝ մոլոկաններով բնակեցված Ֆիոլետովոյի գյուղապետի պաշտոնի համար առաջադրվել է երեք թեկնածու։

Նրանք են Զադորկին Պավել Անդրեևիչը, Նազարով Վալերի Վլադիմիրովիչը, Չիչյով Ալեքսեյ Ալեքսեևիչը։

Թեկնածուների թվում չկա Ալեքսեյ Իլյայի Նովիկովի անունը, որը գյուղը ղեկավարում է 1996 թվականից։

Հոկտեմբերի 17-ին այդ գյուղում կանցկացվեն նաև ավագանու անդամի ընտրություններ։ ԿԸՀ պաշտոնական էջի փոխանցմամբ, ավագանու անդամի համար առաջադրվել է 13 թեկնածու, նրանցից չորսը կանայք են։

Գործող ավագանին ունի հինգ անդամ, նրանց թվում երկու կին կա։

Հիշեցնենք, որ հոկտեմբերի 17-ին համայնքի ղեկավարի և ավագանու ընտրություններ են նշանակված Արագածոտնի մարզի Շամիրամ և Լոռու մարզի Ֆիոլետովա գյուղերում։ Այստեղ ընտրությունները կանցկացվեն մեծմասնական ընտրակարգով։

Այս համայնքներում թեկնածուների առաջադրումների վերջնաժամկետը սեպտեմբերի 17-ն էր։ Թեկնածուների գրանցումը կիրականացվի սեպտեմբերի 17-22-ը։ Նախընտրական քարոզչությունը կմեկնարկի սեպտեմբերի 27-ին, կավարտվի հոկտեմբերի 15-ին։ Թեկնածուներն ինքանբացարկ կարող են ներկայացնել մինչև հոկտեմբերի 7-ը։