Թալիբները չեն արգելի Աֆղանստանում արևմտյան ֆիլմերը, եթե դրանք չհակասեն իսլամին

Աֆղանստանում իշխանության եկած արմատական «Թալիբան» շարժումը չի արգելի երկրում արևմտյան ֆիլմերի ցուցադրությունը, եթե դրանք չեն հակասում իսլամական արժեքներին։ ՏԱՍՍ-ին տված հարցազրույցում ասել է «Աֆղան Ֆիլմ» պետական կինոընկերության թալիբների կողմից նշանակված տնօրեն Ջավիդ Աֆղան։

«Մենք պատրաստ ենք թույլ տալ դիտել արևմտյան ֆիլմեր, որոնք չեն հակասում մեր արժեքներին, մշակութային ավանդույթներին և իսլամական սկզբունքներին: Ցանկացած ժողովուրդ հանդես է գալիս իր արժեքների պահպանման օգտին, և մենք նույնն ենք ուզում»,- ասել է նա։

Տնօրենի խոսքով, «նախկին ռեժիմն այս հարցում հաշվի չէր առել աֆղանների շահերը, սակայն այժմ նախատեսվում է հեռանալ այդ պրակտիկայից»։