Դիետոլոգը խոսել է դդումի վտանգների ու օգուտների մասին

Դիետոլոգ Տատյանա Դիկը «ՌԻԱ ՆՈՎՈՍՏԻ» գործակալության հետ զրույցում պատմել է, թե ինչ օգուտ կարող է բերել սննդակարգին դդում ավելացնելը:

«Դդումի օգուտը շատ վիտամինների առկայությունն է, մասնավորապես, A, C, E, K։ Այն պարունակում է ավելի շատ կարոտին, քան գազարի մեջ:  Դդումը շատ օգտակար է այն մարդկանց համար, ովքեր տառապում են փորկապությամբ, քանի որ այն պարունակում է բավարար քանակությամբ մանրաթելեր։ Բայց այստեղ հարկ է նշել, որ դդումը (հատկապես հում) չի կարելի մարսողական տրակտի որևէ բորբոքային գործընթացով մարդկանց համար, որպեսզի նրանց մոտ չառաջանա փքվածություն, - նշել է դիետոլոգը։ 

Նա նաև ավելացրել է, որ դդումով հնարավոր է դիվերսիֆիկացնել դիետան՝ նիհարելով՝ ցածր կալորիականության և բազմակողմանիության շնորհիվ:

Ի վերջո, դրանից կարող եք պատրաստել ինչպես սովորական ուտեստներ (շիլա, ապուր, կարտոֆիլի բլիթներ, աղցան), այնպես էլ քաղցր ուտեստներ (տապակ, ժելե, թխվածքաբլիթներ):