Ամենից շատ կարդացված նյութեր
.jpg "10% կորոնավիրուսի դեպքեր ունեցող դպրոցները կանցնեն հեռավար ուսուցման. Անահիտ Ավանեսյան")
10% կորոնավիրուսի դեպքեր ունեցող դպրոցները կանցնեն հեռավար ուսուցման. Անահիտ Ավանեսյան
«Մենք հուլիս-օգոստոսին քննարկում էինք, որ սեպտեմբերին նախ տարրական դասարանները բացվեին, այնուհետև՝ միջին և ավագ դասարանները, որպեսզի հիվանդացության տեղաշարժի կտրուկ աճ չունենանք»,- ԱԺ մշտական հանձնաժողովի համատեղ նիստում ասաց առողջապահության նախարար Անաիտ Ավանեսյանը և շեշտեց, որ այդ տարբերակները քննարկելուց հետո որոշեցին թիրախային փակման միջոցն ընտրել:
Նա բացատրեց, որ նախարարի հրամանով սահմանված է՝ այն դպրոցները, որտեղ դասարանի 10%-ի չափով կորոնավիրուսի դեպքեր կլինեն, կամ ուսուցչական կազմում կլինեն դեպքեր, այդ դպրոցները կանցնեն հեռավար ուսուցման ռեժիմին։
Ավանեսյանը նշեց, որ ամբողջական լոգդաունները կարճաժամկետ էֆեկտ են ունենում, բայց Հայաստանը չունի այդ ժամանակը:
Նախարարի խոսքով՝ որևէ ժամանակագրական պատկերացում չկա, թե համաճարակը երբ կավարտվի:
«Եթե նախորդ տարի կտրուկ լոքդաուններն արդարացված էին ու թույլ տվեցին մեզ առողջապահական համակարգերը բերելու պատրաստվածության աստիճանի, դրանք անընդհատ պահպանելը երկարաժամկետ առումով բավական վնասակար հետևանքներ է ունենում»,- նկատեց առողջապահության նախարարը։
Նրա խոսքով՝ Առողջապահական համաշխարհային կազմակերպությունը իր ուղեցույցներում նշել է, որ դպրոցների փակումը պետք է հնարավորինս կարճ տևի, քանի որ նման դեպքերում առաջանում են երեխաների հոգեկան առողջության, զարգացման, թերսնուցման և այլ խնդիրներ:
Studio One