Արտավազդ Մինասյան. Ու այս բոլոր ձայնային և վիդեո տեխնոլոգիաները ստեղծվում են Հայաստանում

Krisp-ի հիմնադիր Արտավազդ Մինասյանը գրում է.

«Krisp-ը երեք տարի շարունակ համագործակցում է տեխնոլոգիական հսկա Intel-ի հետ։ 

Intel-ը օգնում է մեզ, որ արհեստական բանականության վրա հիմնված մեր ալգորիթմները ամենաէֆեկտիվ ձևով աշխատեն համակարգիչների վրա։

Մենք օգնում ենք Intel-ին բացահայտել իրենց ծրագրավորման գրադարանների թերությունները և մեր փորձից ելնելով առաջարկում ենք բարելավումներ։

Հերթական հանդիպմանը Intel-ի ներկայացուցիչները կիսվեցին, որ Krisp-ը իրենց ռազմավարական գործընկերն է, և որ իրենք սկսելու են նաև գումարներ ծախսել ցուցադրելու թե Krisp-ի վերջին նորամուծությունները որքան լավ են աշխատում համակարգիչների վրա։

Ու այս բոլոր ձայնային և վիդեո տեխնոլոգիաները ստեղծվում են Հայաստանում՝ հայ գիտնականների կողմից»: