Հրապարակվել է տեսանյութ, թե ինչպես են գերեվարվում ադրբեջանցի սահմանախախտ երկու զինծառայողները

Politik. am-ը հրապարակել է տեսանյութ, որտեղ երևում է թշնամական զինվորների գերեվարման պահը։

Հիշեցնենք, որ երեկ հասարակական-քաղաքական գործիչ Ավետիք Չալաբյանը գրել էր.

«Երեկ Սիսիանից հյուսիս, Ծղուկ գյուղի շրջանում մարտական հերթապահություն իրականացնող մեր ստորաբաժանումները գերեվարել են թշնամու երկու զինվոր, որոնք այժմ գտնվում են Երևանում: Սա կարևոր իրադարձություն է, որը վկայում է այն մասին, որ նոյեմբերի 16-ից ի վեր, մեր բանակը սկսում է ուղղել իր մեջքը, և կոշտ հակահարված է սկսում տալ թշնամուն:

Շնորհավորում եմ մեր զինվորականներին, և հույս ու վստահություն հայտնում, որ նրանք այսուհետև ևս իրենց կամքը կպարտադրեն Հայաստանի Հանրապետության տարածք ներխուժած ցանկացած թշնամու: Մեր կողմից էլ կանենք ամեն հնարավորը, որպեսզի մեր քաջարի եղբայրները պատվով իրականացնեն իրենց կարևոր առաքելությունը»։

Պաշտպանության նախարարությունն առայժմ որևէ կերպ չի արձագանքել լուրերին։