Կենսաբանը խոսեց «օմիկրոն»-ի՝ մահացու հիվանդություններ գործարկելու ունակության մասին

Կենսաբանական գիտությունների դոկտոր, Ջորջ Մեյսոնի համալսարանի (ԱՄՆ) Համակարգային կենսաբանության դպրոցի պրոֆեսոր Անչա Բարանովան «Լենտա ռու»-ի հետ զրույցում ասել է, որ կորոնավիրուսի օմիկրոն շտամով վարակվելուց հետո կարող է տեղի ունենալ նյութափոխանակության երկարատև խանգարում և հյուծում, ինչը կարող է հանգեցնել ապաքինված անձանց մահացության:

Նրա խոսքով, երիտասարդ հիվանդներն ապաքինվելուց հետո «քիչ թե շատ նորմալ» դիմանում են նյութափոխանակության ճգնաժամին, իսկ բարձր տարիքի հիվանդների համար բավականին դժվար է այն հաղթահարելը։

Կենսաբանը հայտնել է, որ տարեցները կունենան երկարատև նյութափոխանակության խանգարում և հյուծում, որը կուղեկցվի առկա այլ հիվանդությունների սրմամբ։