Ավելի քան 500,000 ֆրանսիացիներ այսօր կարող են կորցնել իրենց սանիտարական կտրոնները, եթե խթանիչ պատվաստում չանեն

560,000 ֆրանսիացու համար սանիտարական կտրոնները շաբաթ օրը կարող են ապաակտիվացվել՝ COVID-19-ի դեմ երրորդ՝ խթանիչ պատվաստում չստանալու պատճառով, որը ժամանակին չի արվել: «Ինտերֆաքս»-ի փոխանցմամբ այդ մասին  հայտնում է Le Figaro թերթը՝ հղում անելով Առողջապահության գլխավոր մարմնին։

Կորոնավիրուսի դեմ պատվաստանյութի երրորդ դեղաչափի ընդունման վերջնաժամկետը Ֆրանսիայում լրանում է 7 ամսից։ Սակայն խթանող պատվաստումը կարելի է իրականացվել երկրում օգտագործվող պատվաստանյութերով (Pfizer, Moderna, AstraZeneca) բազային պատվաստումից երեք ամիս անց:

Առողջապահության գլխավոր տնօրինության տվյալներով՝ հունվարի 13-ի դրությամբ 15,3 միլիոն մարդ արդեն ստացել է խթանող ներարկում, մինչդեռ նման ներարկման վերջնաժամկետը լրանում է մոտ 15,9 միլիոն չափահաս անցաթուղթ ունեցողների համար, որոնք պարտավոր էին դա անել:

Ինչպես սպասվում էր, հաջորդ շաբաթվա սկզբին Ֆրանսիայում սանիտարական կտրոնները կփոխարինվեն պատվաստանյութերինով՝ համաձայն նոր օրենքի, որն առաջին ընթերցմամբ անցել է Ֆրանսիայի խորհրդարանում։ Ավելի խիստ կանոններով՝ պատվաստանյութի կտրոնները պետք է ներկայացվեն մարդկանց զգալի քանակ ունեցող ցանկացած միջոցառմանը մասնակցելու և հասարակական տրանսպորտից օգտվելու համար:

Ֆրանսիայում շարունակվում են զանգվածային բողոքի ցույցերը նման անցաթղթերի ներդրման դեմ։