Ամենից շատ կարդացված նյութեր
.jpg "Պեկինում բացվել է «Օլիմպիական զինադադար» անվանումով որմնանկարը")
Այսօր՝ փետրվարի մեկին, Պեկինում բացվել է «Օլիմպիական զինադադար» անվանումով որմնանկարը: Այս մասին հայտնում է միջազգային օլիմպիական կոմիտեն (ՄՕԿ)՝ փոխանցում է ՀԱՕԿ-ը։
Արարողությունը տեղի է ունեցել չինական նոր տարվա օրը՝ այսօր, օլիմպիական ավանում։
Միջոցառմանը ներկա են եղել ՄՕԿ-ի ղեկավար Թոմաս Բախը և ձմեռային 24-րդ խաղերի կազմկոմիտեի փոխնախագահ Յան Շուանը։
«Աշխարհի լույսը» որմնանկարը խորհրդանշում է լույսը, խաղաղությունն ու վերամիավորումը։ Մարզիկներին և պաշտոնյաներին խնդրել են ստորագրել այն:
«Այսօր չինական նոր տարին է և բարենպաստ պահ է՝ օլիմպիական զինադադարի որմնանկարը բացելու համար, - ասել է ՄՕԿ-ի առաջնորդ Թմոաս Բախը,- Առաջիկա օրերին դուք կմրցեք միմյանց հետ, հարգանքով կապրեք օլիմպիական ավանի նույն հարկի տակ:
Դուք ցույց կտաք, թե ինչպիսին կարող է լինել աշխարհը, եթե մենք բոլորս հարգենք նույն կանոնները և միմյանց: Դա է իսկական օլիմպիական ոգին, խաղերի ուղերձը՝ միավորել աշխարհը մրցակցության մեջ։ Հրավիրում եմ ստորագրելու օլիմպիական զինադադարի որմնանկարը:
Կոչ ենք անում աշխարհի բոլոր քաղաքական առաջնորդներին հավատարիմ մնալ օլիմպիական զինադադարին»։
Օլիմպիական զինադադարի առաջին որմնանկարը տեղադրվել է Թուրինում՝ 2006թ. ձմեռային օլիմպիական խաղերի ժամանակ:
Studio One