Ֆրանսիան Ուկրաինայում ստեղծված իրավիճակի պատճառով համաշխարհային սով է կանխատեսել

Ուկրաինայում տիրող իրավիճակը սպառնում է այս տարի համաշխարհային պարենային ճգնաժամ առաջացնել, գրում է Le Figaro թերթը՝ վկայակոչելով Ֆրանսիայի գյուղատնտեսության և պարենի նախարար Ժյուլիեն Դենորմանդիին, փոխանցում է «Ռիա Նովոստի»-ին։

«Միջերկրական ծովի շրջանում տեղակայված են բազմաթիվ երկրներ, որոնք կախված են Ռուսաստանից և Ուկրաինայից ցորենի արտահանումից»,- պարզաբանել է նա:

Նրա խոսքով՝ ծավալվող իրադարձությունները կարող են հանգեցնել գների աճի, ինչը նույնպես կազդի անասնակերի վրա։

Պարբերականի տեղեկություններով՝ Քաթարը, Ռուանդան, Ղրղզստանը և Եգիպտոսը 80 տոկոսով կախված են Ռուսաստանից ցորենի մատակարարումներից, իսկ Թուրքիան՝ 70 տոկոսով: