Զելենսկին հայտնել է պատերազմի սկզբից ի վեր զոհված ուկրաինացի զինվորների թիվը

Ուկրաինայի նախագահ Վլադիմիր Զելենսկին նշել է փոտրվարի 24-ից Ռուսաստանի կողմից ռազմական գործողությունների սկսվելուց ի վեր Ուկրաինայի ԶՈւ-ի զոհերի և վիրավոր զինծառայողների մոտավոր թիվը, հայտնում է «delo.ua»-ն։

Նրա խոսքով՝ Ռուսաստանի հետ պատերազմում 2500-3000 ուկրաինացի զինվոր է զոհվել, ավելի քան 10000-ը վիրավորվել են։

«Վիրավորների մի մասը ծանր վիճակում է, այդ պատճառով դժվար է ասել, թե նրանցից քանիսը  կապրեն»,- ասել է Զելենսկին։

Միաժամանակ նա դժվարացել է նշել խաղաղ բնակչության շրջանում զոհերի ստույգ թիվը։

«Շատ դժվար է խոսել խաղաղ բնակիչների մասին, քանի որ մեր երկրի հարավում արգելափակված են Խերսոն և Բերդյանսկ, իսկ արևելքում՝ Մարիուպոլ և Վոլնովախա բնակավայրերը, ուղղակի չգիտենք, թե քանի մարդ է զոհվել այդ արգելափակված գոտում»,- ասել է Ուկրաինայի նախագահը։