Ուկրաինայի ոստիկանությունը հայտնել է Ռուսաստանին առնչվող մոտ 200 մլն դոլարի ակտիվների կալանքի մասին

Ուկրաինայի իշխանությունները կալանքի տակ են վերցրել ձեռնարկությունների բաժնետոմսեր, որոնց իրավունքները, իբր, պատկանում են ռուս սեփականատերերին։ ՏԱՍՍ-ի փոխանցմամբ, շաբաթ օրը հայտնել են ոստիկանության մամուլի ծառայությունում: Նշվում է, որ առգրավված գույքի ընդհանուր գումարը կազմում է 5,9 մլրդ գրիվնա (ավելի քան 199 մլն դոլար)։

«Կիրովոգրադի շրջանի Ռազմավարական հետախուզության վարչության օպերատիվ աշխատակիցները մի քանի ձեռնարկություններ են հայտնաբերել, որոնցում Ռուսաստանի Դաշնության քաղաքացիներն ունեն կանոնադրական կապիտալի 25%-ից 98%-ը»,-ասվում է ոստիկանության Telegram ալիքում: